GULAI HEHANCANG ULUDANAU ADE DI KALIMANTAN TIMUR

Dik kusangke, kalu gulai hehancang care Semende, berupe buah labu perenggi dicampur ngga' tahu' tahu'an dikde anye dikenal di Semende saje. Jauh diseberang sane, di Pulau Kalimantan sepoerti di kota Balikpapan, Samarinda bahakan di Tenggarong yg merupakan ibukota kabupaten tekaye di Indonesia tu ade restoran ye nyediake gulai hehancang serupe benae ngga' hehancang jeme kite. ye mengejutka agi, ade pule restoran itu ye nyediake sambal cungkedire persis luk sambal yedibuat li kelawai kelawai ngga' ibungan di dusun Uludanau. Padahal mba' itu arung, dik kekelah tekinak direstoran Plimbang, Baturaje dan Mardue ye badahnye lebih parak ngga' dusdun kite. Kukire selira kite semegi ngga' jeme Kalimantan. Mungkin ye akan datang nak betanye nggak Para Ahli Sejarah, dijaman dulu kemungkinan besak jeme Semende tu ade hubungan sejarah ngga' Jeme Kalimantan itu.

Desaku nan jauh di mate

Di suatu ahi, di bulan Puase, ke Uludanau aku balik. Jam 3 petang berangkat ndi Plimbang. Bebuke menjelang Baturaje. Smpatlah Shalat Maghrib di kota badahku masih kecik itu.Di Mardue lah jam spuluh malam, aku skeluarge melanjutkah pejalanan ye smakin beliku liku.hawenye juge semakin sejuk. Ase hindu nggak anjam dik tehase jam tangan lah nunjukkah angke 12 malam. Dikeremangan malam akhirnye nampak aik danau Rakihan ye tenang. sinae petromak dirakit njaring Mujair berkerlap kerlip begerak lambat menyisir pinggir Tampa'an. Payah pejalanan tehase lengit.Lah blasan taun aku dk balik.smangatku memacuku neruskah poerjalanan ye semakin parak. Dik lame kulalui tentangan aik jehijih. Badah mehendamkah badanku belasan taun lalu, ye aiknye angat angatkuku. Dan Mukelawang Dusun nampak lah nunggu kedatanganku, besame nggak sawah beundak disebelah kidau. Dan humah Tunggu Tubang ye selalu asri..